Oto Hiduik, Ganja Batu Tingga…

Berbicara tentang nasib, barangkali ganja batu yang paling bernasib malang di dunia ini, karena ketika ia dibutuhkan, sopir dan knek sibuk mencari. Tetapi ketika mesin mobil sudah hidup kembali dan segala kerusakan kendaraan sudah membaik, maka ganja batu akan tergeletak begitu saja, sopir dan knek naik ke mobil langsung tancap gas membawa penumpang dengan penuh kegembiraan.

“Pamilihan Wali Nagari alah salasai, Pak Wali alah pulo dilantik dek Tuan Luak, tapi nan nasib awak sampai kini alun juo jaleh duduak tagaknyo lai mak, baa nan sabananyo Pak Wali ko,” kata uwan Sulo memulai pembicaraan minum kopi di Palanta Uwan Nawin.

“Mungkin alun tibo giliran Sulo lai, karano sabanyak tu urang nan ikuik mambantu pamanangan Pak Wali, tantu alun tasalamaik-an kasadonyo lai,” kata mak Panji menyikapi pembicaraan uwan Sulo.

“Nan jaleh Pak Wali awak ko mak, samo jo ibaraik urang pai maambiak karamuntiang di puncak bukik. Katiko tabiang tinggi nan ka didaki, mintak tolong kapado banyak urang, samantaro alah tibo di puncak bukik asiak mamakan karamuntiang indak takana lai kapalo urang nan alah laleh dek manaikkannyo,” sela uwan Libiak tak mau ketinggalan.

“Antahlah, jikok itu nan kalian sabuik ka mamak, iyo indak jaleh pulo dek mamak nan kajaweknyo do, sabab nan mamak bana kini ko indak ubahnyo pulo ibaraik ganja batu, oto hiduik langsuang bajalan, ganja tingga jo nasibnyo,” sambung mak Panji melanjutkan.

“Ambo sangko mamak lai dakek juo jo Pak Wali, mangkonyo kami mangadu kabakeh mamak, kalau bantuak tu caritonyo mak, iyo alah sanasib se awak komah. Tapi indak baa do mak, kini Pak Wali kan alah duduak untuak kaduo kalinyo, tantu ado pulo nan kadiamaannyo sudah ko, bisuak awak basilengah sajo lai,” kata uwan Sulo berandai-andai.

“Kadang-kadang awak urang bawah ko iyo masak diumbuak-umbai sajo, manjalang pamilihan Wali Nagari, dibantuak panitia sabanyak mungkin, parangkek nagari digapuak-an. Tatapi sasudah kapuyuak ko tapiliah, nan patamuan jo panitia indak ado, parangkaik nagari dikuruihkan baliak,” kata uwan Libiak menimpali sebelum mak Panji sempat menanggapi pembicaraan uwan Sulo.

“Biasonyo dunia piliah mamiliah ko indak di kalangan Calon Legislatif sajo do, tapi dikalangan pamarentahan baitu pulo, namonyo janji politik malakik manangnyo, kalau alah duduak pandai mangecek, ambo manang bukan dek karano siapo-siapo, tapi rakyaik tu bana nan katuju ambo dek inyo,” tutur mak Panji seakan-akan menirukan ucapan Pak Wali.

“Iko tamasuak pamimpin nan sombong namonyo ko mah mak, nan biaso urang sombong takah ko ado sajo dek Tuhan balehnyo, apo lai banyak urang nan taniayo dek ulah kasombongannyo, biaso doa urang taniayo acok dimukabuakan dek Nan Maha Kuaso,” kata uwan Sulo sambil terus menyerang Angku Palo dengan berbagai cercaan.

“Mamak mancaliak Pak Wali awak ko, indak sarupo jo Pak Wali nan dulu. Dulu katiko sabalun manjadi Wali Nagari, katiko mamak manamui baliau katampek karajonyo, acok kalua kato-kato, tunggu dulu mak ijan capek bana mamak pulang, tadagak ambo alun lapeh lai, mamak alah kapulang sajo,” kata mak Panji seakan-akan menceritakan kondisi Pak Wali sebelum menjabat Wali Nagari.

“Bialah mak indak bana awak bakawan atau dapek fasilitas dari Pak Wali ko, nan awak lai indak baranti makan, kini indak paralu awak pikiakan bana Pak Wali ko, bialah inyo mancari nan lain untuak dijadikan korban sarupo awak ko, nan awak bakarajo sajo jo karajo awak surang-surang,” kata uwan Libiak mengingatkan.

“Untuak manghibur diri dek awak tantu sajo iyo iko nan bisa awak karajokan, nan jaleh awak alah babuek untuak kamajuan nagari ko, mudah-mudahan Allah mambaleh pahalo nan balipekawak gando,” ujar mak Panji dengan tetap menyabarkan lawan bicaranya.

“Jadilah mak, ambo picayo Tuhan indak ka manyio-nyiokan umaiknya, kito ambiak sajo hikmahnyo, jiko disasali juo nasib ganja batu bak kato mamak tadi, tantu awak juo nan ka stress, kalau alah stress taniayo anak bini mak,” kata uwan Sulo pasrah.

“Batua tu, indak paralu lo awak hanyuik dalam hal ko, karano iko mungkin alah suratan bakeh awak dari Nan Kuaso,” kata mak Panji mengakhiri pembicaraan minum kopi di Palanta Uwan Nawin.(***)

Mandulang Rupiah di Ladang Coklat . . .

Munculnya cacao atau coklat sebagai pengganti tanaman cassiavera atau kulit manis sejak beberapa tahun terakhir ini di Tanah Datar membawa harapan baru terhadap peningkatan pendapatan petani. Kenapa tidak, seorang petani di Rambatan dengan lahan 1 hektar mampu menghasilkan sekitar 800 Kg cacao per bulan. Seandainya harga cacao Rp.25.000,- per Kg maka petani ini akan meraup penghasilan sekitar Rp.20,- juta perbulan, suatu penghasilan yang lebih menjanjikan ketimbang menjadi seorang pejabat.
“Awak tarago agak ka agak sajo baru, samantaro dek urang alah lalu juo. Kadang-kadang disiko latak kakurangan awak, banyak ditangkok ragu atau indak barani babuek sabalun tampak urang berhasil,” kata uwan Sulo memulai pembicaraan minum kopi di Palanta Uwan Nawin.
“Sajak ampek tahun lalu alah mamak ingekkan, tanamlah coklat ko di tanah nan kosong tu, tapi kalian labiah suko maojek dari pado mamulai suatu usaho baru tu. Kini baa lai, urang alah mandapek pitih cukuik banyak, nan awak takah tu ka takah tu juo baru,” kata mak Panji menanggapi pembicaraan uwan Sulo.
“Kini awak baru tasintak, tanyato tanaman coklat ko indak samo jo tanaman kulik manih. Awak kan cameh juo, beko bilo alah banyak urang nan mananam haragonyo jatuah, samantaro untuak malah tanahnyo paralu tanago jo pitih nan cukuik,” timpal uwan Libiak tak mau ketinggalan.
“Tapi mamak raso alun talambek lai do, karano pamarentah masih manyadiokan bibit untuak patani, tingga di kito maajukan parmintaan ka Dinas Kehutanan dan Perkebunan,” sambung mak Panji menambahkan.
“Jadi nan bibit coklat ko indak bisa kito mangalambak-an surang mak. Mukasuik ambo kita bali coklat nan ado kini, sudah tu kito kalambak-an surang, kan indak susah bagai do mak,” lanjut uwan Sulo mulai berandai-andai.
“Bisa tantau bias sajo tunyo, coklat ko lai tumbuah juo sarato lai babuah juo, tapi buahnyo indak samo jo coklat nan bibitnyo disemaikan dek Dinas Kehutanan dan Perkebunan. Jikok bibit nan barasa dari Dinas tu iyo sabana gadang-gadang, samantaro nan kito bibitkan buahnyo ketek-ketek,” kata mak Panji menanggapi pembicaraan uwan Sulo.
“Kalau baitu mak, iyo rancak kito mandapekkan bibit dari Dinas tu, tapi mak lai indak sulik mandapekkannyo, karano ambo danga-danga acok habih di sinan.,” lanjut uwan Libiak mendesak mak Panji.
“Mangkonyo dari kini ajukan parmohonan, sarancaknyo maajukan bantuan bibit ko bakalompok sahinggo indak repot pulo patugeh dibueknyo. Sudah tu nan paralu disiapkan talabiah daulu lubang tampek mananamnyo, sabab kalau bibit sajo dimintak samantaro lubangnyo indak ado, agak ragu juo pamarentah maagiahnyo, ” tukas mak Panji lebih menekankan.
“Jadi baitu pulo mak, sangko ambo alah ado bibit baru dibuekkan lubangnyo, jan…. jan … beko bibitnyo indak ado, samantaro kami alah habih tanago mambuek lubangnyo,” kata uwan Sulo mengemukakan keraguannya.
“Insya Allah kalau lai tampak kasariusan awak untuak mangambankan tanaman coklat ko pamarentah akan maagiah bantuan bibit. Nan acok tajadi, bibit sudah dimintak indak kunjuang ditanam, sahinggo alah mati sajo dibalakang rumah, pado hal biaya pengadaan bibit tu cukuik gadang,” kata mak Panji menjelaskan lagi.
“Kini batanyo ambo ka mamak, coklat nan tajamua dimuko rumah tu mamak bali atau alah hasil ladang mamak. Ambo ragu juo, jan jan mamak alah manggaleh coklat pulo ini. Urang disuruah baladang coklat, samantaro mamak maambiak kauntungan dari patani sajo lai,” ujar uwan Libiak mencurigai mak Panji seputar banyaknya coklat yang dijemur didepan rumahnya.
“Astagfirullah Al Azim, jikok kalian lai picayo juo ka mamak, tolong didanga elok-elok, coklat nan bajamua tu asli hasil ladang mamak. Dima pulo mamak manggaleh coklat bagai, jikok ado jiwa manggaleh ditipak mamak dari dulu mungkin alah kayo gadang mamak,” kata mak Panji dengan nada agak keras.
“Jadilah mak, bisuak bia nak ambo tamui pulo katua kalompok tani awak. Ambo mandaftar ciek untuak mandapek bibit coklat, dari pado manjadi sarang kondiak sajo polak ambo tu bialah nak ditanam pulo jo coklat,” kata uwan Sulo mulai bersemangat untuk menanam coklat.
“Itu baru kamanakan mamak namonyo, untuang-untuang panghasilan kalian batambah. Jikok ado urang mandulang ameh di batang ayia, kito bialah mandulang rupiah di ladang coklat, kan tujuannyo samo mandapekkan pitih juo,” kata mak Panji mengakhiri pembicaraan minum kopi pagi di Palanta Uwan Nawin.(***)

Baa Mangko Tanah Data Tanang-Tanang Sajo . . .

Pesta Pemilu Kada yang bakal digelar bulan Juni 2010, melibatkan sekitar 13 kabupaten/kota di Sumatera Barat. Sebahagian daerah sudah mulai diramaikan oleh Baliho dan spanduk para Balon yang “Baselero” untuk mengambil posisi nomor satu atau nomor dua. Tetapi, Tanah Datar Luhak Nan Tuo yang juga ikut Pemilu Kada tahun 2010 ini gebiar semacam itu masih sangat minim sekali. Kalaupun ada hanya sebatas satu atau dua orang, sementara berangkat dari pengalaman 2005, setidaknya ada empat pasang Cabup dan Cawabup yang bakal bertarung dalam “Alek Demokrasi” limatahunan ini.

“Katiko ambo pai ka Koto Baru Solok maantakan jenazah bapak Marwen Kabag Pamarentahan Nagari jo Urusan Rantau, cukuik banyak baliho jo spanduk nan tapampang di tapi jalan. Babagai namo jo gambar tokoh masyarakaik alah mulai mansosialisasikan diri, tapi di daerah awak baa mangko saketek bana mak” kata uwan Sulo memulai pembicaraan minum kopi di Palanta Uwan Nawin.
“Lain lubuak lain ikannyo, lain daerah lain pulo kakobehnyo. Solok mangkonyo banyak baliho jo spanduk nan tapampang, lantaran dek kabupaten jo kota nan malaksanakan Pamilu Kada, tapi Luhak Tanah Datar kan hanyo ciek daerah nan kasato,” kata mak Panji menanggapi pembicaraan uwan Sulo.
“Jadilah mak, tapi ambo raso indak itu parsoalannyo tudo, ambo raso di Luhak Nan Tuo indak banyak nan basalero untuak bapacu pado tahun ko, karano banyak nan maraso kalah sabalun batandiang,” uwan Libiak tak mau ketinggalan sato sakaki.
“Sabananyo co iko pulo komah, jikok kudo awak ko indak pulo dibao ka galanggang, dima pulo urang katau baa bantuak sarato larinyo. Jikok indak manang pado tahun ko, mungkin wakatu bapacu sakali lai awak manang, nan jaleh kito sato dulu, satidaknyo awak mangatahui medan tampek bapacu,” sambung mak Panji menjelaskan.
“Jiko zaman saisuak tasabuik kudo Jaya mak, ambo mancaliak pak Shadiq kini ko iyo indak ubahnyo sarupo kudo Jaya tu, bara meter sajo di opor kabalakang nan larinyo tatap manduo alias sulik kudo lain manandinginyo,” lanjut uwan Sulo mulai berandai-andai.
“Indak salah pandapek Sulo tu, tapi nan patuik pulo diingek sapanjang sajarah pacu kudo lai ado kudo nan bapacu surang ndak. Jikok hanyo lari surang indak bapacu namonyo tudo. Sudah tu nan patuik kito katahui pulo, jikok alah manang taruih sajo di galanggang Bukik Gombak tantu salanjuiknyo kudo dipacu di tingkek nan labiah gadang, Pulo Mas umpamonyo,” kata mak Panji menanggapi pembicaraan uwan Sulo.
“Kalau baitu mak, iyo paralu kudo nan baru sato bapacu pado tahun ko, kok indak dilatiah bapacu dari kini, tantu indak mungkin manang pado pacu sakali lai. Lagi pulo kudo Jaya tantu indak mungkin bapacu pado musim sakali lai,” lanjut uwan Libiak membenarkan pendapat mak Panji.
“Tapi kalian indak usah cameh lah, mamak danga-danga alah ado duo pasang nan ka sato pado Pemilu Kada 2010. Walaupun alun ijab kabul, nampak-nampaknyo pasangan ko, gadang kamungkinan untuak basandiang di palaminan,”, ” tukas mak Panji lebih maju.
“Syukurlah mak kalau baitu, tapi sia urang nyo tu mak. Lai cukuik dikenal atau indak, karano sarupo tahun 2005 nan kamamiliah ado masyarakaik nan punyo hak mamaliah,,” kata uwan Sulo mendesak mak Panji.
“Jiko indak salah danga mamak, pak Sutraveri Dt.Rajo Penghulu urang Supayang kecamatan Salimpauang ka bapasangan jo Maswardi Ketua BKMT Tanah Datar nan barasa dari Tigo Jangko kecamatan Lintau Buo. Salanjuiknyo Zulhadi anak mantan Bupati Sulaiman Zulhudi dari Lintau ka bapasangan jo Alamsuddin Ketua PKS nan barasa dari Batipuah,” kata mak Panji mengurai satu persatu.
“Iyo… iyo…., untuang-untuang sajo kaduo pasangan ko mandapek dukungan dari partai nan ado, sahinggo karaguan tantang Pemilu Kada di Tanah Data lai jadi atau indaknyo dapek pulo tajawek.,” ujar uwan Libiak mengangguk-angukkan kepalanya.
“Manuruik pandapek mamak, indak mungkin Pemilu Kada ko indak dilaksanakan, karano iko alah marupokan alek limotahunan nan paralu kito sukseskan sacara basamo-samo. Untuak manjawek baa mangko Tanah Data tanang-tanang sajo, karano kapa nan kaditompang alun jaleh sarato kapastian bapasangan alun pulo itam diateh putiah jo urang partai,” kata mak Panji lebih menjelaskan lagi.
“Bilo kapastiannyo tu mak, disampiang pasangan lain, awak bana tantu ingin tau pulo jo sia pak Shadiq bapasangan, karano ambo danga-danga ado 24 Balon nan alah mamulangkan formulir Balon Wakia Bupati di Golkar,” tanya uwan Sulo tidak sabar menunggu pasangan apa saja yang akan bertarung pada Pemilu Kada mendatang.
“Sabalah kalian dulu, mamak raso antaro bulan Februari jo Maret ko alah tuntas tu pasangan nan kasato Pemilu Kada 2010,” kata mak Panji mengakhiri pembicaraan minum kopi pagi di Palanta Uwan Nawin.(***)